ကလေးမြို့တွင် သေနတ်ထိမှန်သူ လေးဦးရှိ၊ နှစ်ဦး စိုးရိမ်ရ

0
26
ဓာတ်ပုံ- ကိုသူ

မုံရွာ၊ မတ် – ၂

ကလေးမြို့ လူထုသပိတ်ကို ဖြိုခွင်းရာတွင် သေနတ်ဒဏ်ရာရရှိသူ လေးဦးထိ ရှိပြီး ဝမ်းဗိုက်နှင့် ရင်ဘက် သေနတ်ဒဏ်ရာရသည့် နှစ်ဦးမှာ စိုးရိမ်ရကြောင်း သိရသည်။

လေးဦးစလုံးမှာ ယောကျာ်းလေးဖြစ်ပြီး လူငယ်များဖြစ်သည်ဟု မျက်မြင်တွေ့သူများက ပြောသည်။

ကလေးမြို့လမ်းစုံတွင် လူထုသပိတ်ကိုရဲနှင့်တပ်မတော်ဘက်မှ မျက်ရည်ယိုဗုံးများပစ်ခြင်း၊ သေနတ်များဖြင့် ပစ်ခတ်ဖြိုခွင်းခဲ့သည်။

ဖြိုခွင်းမှုကြောင့် ထိခိုက်ဒဏ်ရာရသူလည်း အများအပြားရှိကြောင်း သိရသည်။